HOMES BORRACHOS

Homes borrachos falen de velocidá pel móvil.
Falen de coches veloces
y piensen en muyeres ausentes.
Homes borrachos falen con otros homes borrachos
pel móvil.

Nes terraces ven pasar
a les moces que vienen de la playa.

Ella tá na ciudá
porque tien que trabayar.
Pa cuatro díes que tengo
quiero más disfrutar.
Ella tá na ciudá
porque tien que trabayar.
Alcancé los doscientos,
vamos, sólo un whisky más…

Lleven pantalón llargu
anque faiga calor.
Reflexonen sobre cilindros y caballos
y opinen qu’hai que disfrutar de lo que se tien.
Y tarrecen llegar al apartamentu
y dormir solos.

Ella tien que trabayar,
quedó na ciudá.
Alcancé los doscientos,
vamos, sólo un whisky más.
Total, son sólo dos hores
dende la capital…
Pa cuatro díes que tengo
quiero más disfrutar.

Vienen a la costa
pero nun pisen la mar.
Contaben echase temprano,
salir a caminar…

Les terraces llénense
d’homes solos y borrachos
falando de velocidá
pel móvil
con gafes de sol na solombra.

Fáense un homenaxe
a la hora comer.
Creo que lo merezo,
de currar ya tuvo bien.